Nao meer es ein jaor d’r haer höbbe oetgekeke waas ’t aafgelaope wiekend zo ver, Joekskapel Geine Aom ging nao de wienfeeste in Altenahr!
Vriedigmiddig waerde vanoet Berg mit auto’s vol bagage en instrumente vertrokke nao Altenahr wo veer (sommige mit get file helaas) hertelik ontvange waerde in eine Jugendherberg.
Hiej waerde lekker boete inne zon al gezellig get vertild, ping-pong gesjpeeld en de omgaeving verkint.
Nao ’t aovendaete waerde hout gesjprokkeld en ’t kampvuur aangemaak.
Biej ’t kampvuur waerde gezellig get gedronke, kampvuurliedjes gezonge en väöl vertild.
Zaoterdigmorge om 9 oer waerde lekker ontbete wo zelfs os eige ‘wienqueen’ waerde bekint gemaak: Karin Hermans! Karin zelf wis natuurlijk van nieks en waerde in ein mum van tied omgetoverd toet ein waore ‘wienqueen’! Naodet veer ein sjtukske gerippeteert höbbe zeen veer mit de instrumente ’t dörp ingelaope.
In ’t dörp höbbe veer op versjillende terrasse de gaste van väöl gezellige meziek veurzeen!
Tössjedoor waerde op de terrasse get gegaete en gedronke wonao veer door trokke nao ’t volgende terras.
Ouch in de Altenahr Weinfestzelt waerde de tent oppe kop gezat wie veer de Joeksige Bergse klanke van Geine Aom ter geheure brachte!
Ouch de zonjig höbbe veer de gaste van de wienfeeste veurzeen van ein flink sjtökske meziek wonao veer weer inne auto zeen gesjtap richting Berg.
Veer es Geine Aom kieke truuk op ein geweldig, heel erg zonnig, super gesjlaag en gezellig wiekend!
Waart geer neet biej de wienfeeste maar wilt geer Geine Aom toch heure sjpeele?
Dan zeen veer uch op de 11e van de 11e biej de euverdrach vanne Geitesjtal of tiedes ’t Prins Oetrope op 12 november inne Hermeniezaal!
Joeksgroete Geine Aom
6e Berger Batterparade
Veur de zesde keer waerde dit jaor de Berger Batterparade gehaaje.
De jeug van Berg haaj weer vanalles oet de kas gehaold om ein zo origineel meugelik instrument te maake, en om hiej zo väöl meugelik kebaal op te maake!
Mit eine sjone sjtoet battereers en Marianne es tambourmaître veurop zeen veer van Café le Carrefour nao de fontijn biej Huijerjans getrokke om hiej de Waever te danse.
Daonao höbbe veer biej de Geit de Waever gedans wonao ’t moment waas aangebraoke det oppe Roerbrök de Bacchus waerde verzaope.
Nao ffkes gefees te höbbe inne BerggeiteTempel waerde door ozze jury: Adjudant Patrick & Prinses Nienke, de oetsjlaag van dees zesde Berger Batterparade bekint gemaak.
| Jongste categorie | Middelste categorie | Aajste categorie | |||||
|---|---|---|---|---|---|---|---|
| 1e pries | Anna Hebben | 1e pries | Joyce + Sten v/d Beek | 1e pries | Dennis Reulen | ||
 |
 |
 |
|||||
| 2e pries | Loes Knoops | 2e pries | Nina van Soest | 2e pries | Mare Kroonenburg | ||
 |
 |
 |
|||||
| 3e pries | Dana Jones | 3e pries | Loes Rodenburg | 3e pries | Evy Wolter | ||
 |
 |
 |
|||||
Veer es Geine Aom kieke truuk op ein gesjlaagde Batterparade en haope det veer volgend jaor mit zeker net zonne grote sjtoet weer door ’t dörp kinne trikke. Alle battereers bedank en toet volgend jaor!
6e Berger Batterparade
Dit jaor prizzenteert Joekskapel Geine Aom veur de 6e keer de Berger Batterparade!
De Batterparade vinjt plaats op vastelaovesdinsdig om 14.30 (let op! Ein oer eerder es vurrig jaor!) biej Café le Carrefour.
Veer trikke dan same mit alle battereers nao de fontijn biej Huijerjans, de geit biej de hermeniezaal en daonao nao de Roerbrök om hiej mit zien alle flink te battere!
Maak daorom ein sjiek, vet, gaaf, cool muziekinstrument wo desse hèl op kins battere en verkleij dich dao biej!
Want ouch dit jaor is d’r weer ein jury die good oplet waem de beste en sjoonste battereer is!
Dus zorg allemaol det geer op vastelaovesdinsdig om 14.30 biej Café le Carrefour zeet zodet geer gezellig mit de Batterparade mit kin trikke!
Nao de Batterparade trikke veer mit zien alle nao de Berggeitetempel wo de priesoetreiking plaats zal vinje!
Gaer zeen veer uch allemaol vastelaovesdinsdig tiedes de 6e Berger Batterparade!
Joeksgroete Geine Aom