Oetsjlaag 7e Berger Batterparade
Veur de zevende keer waerde dit jaor de Berger Batterparade gehaaje.
De jeug van Berg haaj weer vanalles oet de kas gehaold om ein zo origineel meugelik instrument te maake, en om hiej zo väöl meugelik kebaal op te maake!
Mit eine sjone sjtoet battereers en Joep es tambourmaître mit eine vlegende tambourmaître-sjtek veurop zeen veer vertrokke vanoet Café le Carrefour.
Veer höbbe biej de Geit de Waever gedans wonao veer door zeen gelaope nao de fontijn biej Huijerjans om flink te battere en nog eine keer de Waever te danse.
Hiejnao waas ’t moment aangebraoke det oppe Roerbrök de Bacchus waerde verzaope.
Nao ffkes gefees te höbbe inne BerggeiteTempel waerde door ozze jury: Daniëlle Janssen & Rosita Kurstjens (vrouw van Prins Patrick), de oetsjlaag van dees zevende Berger Batterparade bekint gemaak.
| Jongste categorie | Middelste categorie | Aajste categorie | |||||
|---|---|---|---|---|---|---|---|
| 1e pries | Quinn Daamen: | 1e pries | Yves Roumen: | 1e pries | Maud, Mirte, Jeroen: | ||
 |
 |
 |
|||||
| 2e pries | Loecka Cloudt: | 2e pries | Luca Heemels: | 2e pries | Joyce van der Beek: | ||
 |
 |
 |
|||||
| 3e pries | Joyce Smeets: | 3e pries | Britt Reulen: | 3e pries | Lotte van Hagen: | ||
 |
 |
 |
|||||
Veer danke Thei Janissen veur 't make vanne foto's!
Veer es Geine Aom kieke truuk op ein gesjlaagde Batterparade en haope det veer volgend jaor mit zeker net zonne grote sjtoet weer door ’t dörp kinne trikke. Alle battereers bedank en toet volgend jaor!
Nonnevotteaktie 2012
Op woonsdig 15 fibruari as. zal Joekskapel Geine Aom oet St. Odiliënberg de tradisionele NONNEVOTTE AKTIE haaje.
Geer wèt waal die lekkere carnavalstraktatie die veer vanaaf 16.00 oer bie uch aan hoes aanbeeje. Veur diegene die oos neet kinne. Geer sjteunt daomit ein groep jongeluuj die, neet allein mit de Vastelaovendj maar het hele jaor door, diverse gelegenheden oploesteren in Berg en wieje omtrek.
Ein zekske van 4 NONNEVOTTE kost € 4,20 en waere zoals altied geleverd door Baekerie Cox.
Wilt geer zeker zeen det geer nonnevotte kriegt, reserveer ze dèn bie Ton Bruijnen til. 06-45664633 of ton.bruijnen@home.nl . Geer kint ze auch op 15 fibruari vanaaf 16.00 oer koupe in ut Jong Nederland geboew.
Toet woonsdig 15 fibruari en alvas eine sjoone vastelaovendj gewunsjt !
Nao meer es ein jaor d’r haer höbbe oetgekeke waas ’t aafgelaope wiekend zo ver, Joekskapel Geine Aom ging nao de wienfeeste in Altenahr!
Vriedigmiddig waerde vanoet Berg mit auto’s vol bagage en instrumente vertrokke nao Altenahr wo veer (sommige mit get file helaas) hertelik ontvange waerde in eine Jugendherberg.
Hiej waerde lekker boete inne zon al gezellig get vertild, ping-pong gesjpeeld en de omgaeving verkint.
Nao ’t aovendaete waerde hout gesjprokkeld en ’t kampvuur aangemaak.
Biej ’t kampvuur waerde gezellig get gedronke, kampvuurliedjes gezonge en väöl vertild.
Zaoterdigmorge om 9 oer waerde lekker ontbete wo zelfs os eige ‘wienqueen’ waerde bekint gemaak: Karin Hermans! Karin zelf wis natuurlijk van nieks en waerde in ein mum van tied omgetoverd toet ein waore ‘wienqueen’! Naodet veer ein sjtukske gerippeteert höbbe zeen veer mit de instrumente ’t dörp ingelaope.
In ’t dörp höbbe veer op versjillende terrasse de gaste van väöl gezellige meziek veurzeen!
Tössjedoor waerde op de terrasse get gegaete en gedronke wonao veer door trokke nao ’t volgende terras.
Ouch in de Altenahr Weinfestzelt waerde de tent oppe kop gezat wie veer de Joeksige Bergse klanke van Geine Aom ter geheure brachte!
Ouch de zonjig höbbe veer de gaste van de wienfeeste veurzeen van ein flink sjtökske meziek wonao veer weer inne auto zeen gesjtap richting Berg.
Veer es Geine Aom kieke truuk op ein geweldig, heel erg zonnig, super gesjlaag en gezellig wiekend!
Waart geer neet biej de wienfeeste maar wilt geer Geine Aom toch heure sjpeele?
Dan zeen veer uch op de 11e van de 11e biej de euverdrach vanne Geitesjtal of tiedes ’t Prins Oetrope op 12 november inne Hermeniezaal!
Joeksgroete Geine Aom
